Ողջունում ենք, պատրաստ ենք աջակցել. Զախարովան՝ Բաքվի և Երևանի միջև խաղաղության պայմանագրի նախապատրաստման գործընթացի մասին
ՔԱՂԱՔԱԿԱՆՈՒԹՅՈՒՆՄոսկվան ողջունում է Բաքվի և Երևանի պատրաստակամությունը՝ սկսելու խաղաղության պայմանագրի նախապատրաստումը և պատրաստ է աջակցել բանակցային գործընթացին: Այս մասին, ՌԻԱ «Նովոստի»-ի փոխանցմամբ, ասել է ՌԴ ԱԳՆ պաշտոնական ներկայացուցիչ Մարիա Զախարովան։
«Մենք ողջունում ենք Բաքվի և Երևանի պատրաստակամությունը՝ սկսելու Ադրբեջանի և Հայաստանի միջև խաղաղության պայմանագրի նախապատրաստումը և վերահաստատում ենք մեր մտադրությունը՝ ամեն կերպ աջակցելու բանակցային գործընթացին», - հինգշաբթի կայացած ճեպազրույցում ասել է Զախարովան։
Նա հավելել է, որ դեռ վաղ է խոսել խաղաղության պայմանագրի ստորագրման ժամկետների մասին։