Արցախը մնում է շրջափակված. միջանցքը փակ է նաև հումանիտար նպատակով տեղաշարժի համար
ՔԱՂԱՔԱԿԱՆՈՒԹՅՈՒՆԱնցնող օրը Արցախում եւ Արցախի շուրջ զարգացումներում էական փոփոխություններ չի բերել: Ադրբեջանը շարունակում է տարբեր հատվածներում սադրանքների դիմել՝ զուգահեռ՝ հայկական կողմերին մեղադրելով հրադադարի ռեժիմը խախտելու մեջ: Այս մասին ասվում է Արցախի հանրային հեռուստաընկերության պատրաստած ռեպորտաժում:
Ստեփանակերտից եւ Երեւանից օպերատիվ հերքել են Բաքվի տարածած ապատեղեկատվությունը:
Տեղեկատվական հարթակից դուրս՝ իրողությունն անփոփոխ է: Արցախը մնում է շրջափակված: Արդեն երկրորդ օրն է՝ միջանցքը փակ է նաեւ հումանիտար նպատակով երթեւեկության համար՝ երրորդ կողմի ուղեկցությամբ: