Դերիպասկան կոչ է արել պատրաստվել դոլարի գերիշխանության փլուզմանը
ՏՆՏԵՍՈՒԹՅՈՒՆ
Միջազգային ֆինանսական համակարգում դոլարի մասնաբաժինը կնվազի առնվազն 20 տոկոսով, իսկ չինական յուանինը, ընդհակառակը, կավելանա մինչեւ 20 տոկոս, կարծում է ռուսաստանցի գործարար Օլեգ Դերիպասկան։ Այս մասին նա գրել է Telegram-ի իր ալիքում՝ մեկնաբանելով Financial Times-ի հաջորդ տասնամյակում ամերիկյան արժույթի գերիշխող դիրքի պահպանման մասին հոդվածը։
Միլիարդատիրոջ խոսքով՝ համաշխարհային տնտեսության մեջ Չինաստանի դերի օբյեկտիվ ավելացման ֆոնին դոլարը չի պահպանի իր գերիշխանությունը։ «Նա կարող է մոտ 25 տոկոս պահպանել այս բեկումնային տասնամյակի արդյունքներով, բայց դա էլ այն դեպքում, եթե նրանք կարողանան խուսափել դեֆոլտից կամ թողարկված պարտավորությունների խորը վերակառուցքավորումից», - Դերիպասկան կանխատեսել է ամերիկյան դոլարի ճակատագիրը:
Միեւնույն ժամանակ, գործարարը նշել է, որ ինքն ավելի շատ հավատում է բազմարժութային ֆինանսական համակարգին՝ քսանյակի բոլոր երկրների արժույթների մասնակցությամբ, որը կպարզեցվի թվային արժույթների զարգացման հետ մեկտեղ։ «Ինչպես որ մարդիկ առանց հեռագրի/ֆաքսի/տելեքսի հաշվարկներ են կատարել, այնպես էլ SWIFT-ը էական նշանակություն չի ունենա»,- ամփոփել է նա:
