ՊՆ պատվիրակությունն Իրանում ծանոթացել է ռազմական արտադրանքին
ՄԻՋԱԶԳԱՅԻՆՀունիսի 14-ից 17-ը ՀՀ պաշտպանության նախարարի տեղակալ-նյութատեխնիկական ապահովման դեպարտամենտի պետ Մովսես Հակոբյանի գլխավորած պատվիրակությունը աշխատանքային այցով գտնվել է Իրանի Իսլամական Հանրապետությունում, որտեղ ծանոթացել է իրանական ռազմական արտադրանքին:
ՊՆ-ից NEWS.am-ին հայտնում են, որ այցի շրջանակներում ՀՀ պաշտպանության նախարարության պատվիրակությունը հանդիպել է ԻԻՀ պաշտպանության եւ զինված ուժերի աջակցման նախարարության ԷԹՔԱ կազմակերպության գործադիր տնօրեն Մոհամմադ Մեհդի Քարբալայի հետ, այցելել ընկերության գործարաններ, խանութների ցանց եւ ծանոթացել արտադրվող ապրանքի տեսականուն:
Մովսես Հակոբյանի գլխավորած պատվիրակությանն ընդունել է նաեւ ԻԻՀ պաշտպանության եւ զինված ուժերի աջակցման նախարար Հոսեյն Դեղհանը: Հանդիպման ընթացքում քննարկվել են պաշտպանության ոլորտում հայ-իրանական համագործակցության հեռանկարային զարգացմանն առնչվող հարցեր:
Այցի արդյունքում պայմանավորվածություններ են ձեռք բերվել մի շարք ոլորտներում համագործակցության զարգացման վերաբերյալ:
Կողմերը ստորագրել են փոխըմբռնման հուշագիր: