Իրանական բանակը ռադիոէլեկտրոնային պատերազմի լայնածավալ զորավարժություններ է անցկացրել
ՄԻՋԱԶԳԱՅԻՆ
Իրանի բանակը երկրի կենտրոնական շրջաններում ռադիոէլեկտրոնային պատերազմի լայնածավալ զորավարժություն է անցկացրել, որը ստացել է «Իրավագիտության պահապանների վահան» ծածկանունը, հայտնում է Mehr-ը։
Ուրբաթ օրն Իրանի բանակի տարբեր ստորաբաժանումներ սկսել են լայնածավալ համատեղ զորավարժություններ՝ ռադիոէլեկտրոնային պատերազմի ստորաբաժանումների մասնակցությամբ, որոնցում ներգրավված են ռադարներ, անօդաչու սարքեր, միկրոօդանավեր և տեղական նախագծման և արտադրության այլ ռազմական տեխնիկա։
Համատեղ օդային զորավարժություններին, որոնք կոչվում են Separ-e Hafezan-e Velayat 1402 («Իրավագիտության պահապանների վահան 1402»), մասնակցել են ցամաքային զորքերի, օդուժի, նավատորմի և հակաօդային պաշտպանության ստորաբաժանումները, որոնց շտաբը տեղակայված է եղել երկրի կենտրոնական շրջաններում:
Իրանի ցամաքային ուժերի համակարգման գծով գլխավոր հրամանատարի տեղակալ, կոնտրադմիրալ Հաբիբոլլահ Սայարիի խոսքով, զորավարժությունները ներառում են տեղական արտադրության տարբեր տեսակի էլեկտրոնային պատերազմի համակարգեր, ռադարներ, անօդաչու թռչող սարքեր, կիբեր և օդատիեզերական համակարգեր, անձնակազմ և անօդաչու կործանիչներ, միկրոավիացիա, ինչպես նաև էլեկտրոնային պատերազմին առնչվող ստացիոնար, շարժական, ցամաքային և օդային համակարգեր։
