Լեոնարդո Դի Կապրիոն անդրադարձել է Հայոց ցեղասպանության մասին «Խոստում» ֆիլմին
ԱՄԵՆԱԸՆԹԵՐՑՎԱԾ
Հոլիվուդյան աստղերը շարունակում են իրենց աջակցությունը հայտնել Հայոց ցեղասպանության մասին պատմող «Խոստում» ֆիլմին։ Այս անգամ թեմայով գրառում է արել օսկարակիր դերասան Լեոնարդ Դի Կապրիոն։
«Օսկար Այզեքը, Քրիստիան Բեյլը եւ Շարլոտ Լե Բոնը՝ Թերի Ջորջի ղեկավարությամբ անկրկնելի աշխատանք են կատարել «Խոստում» ֆիլմում։ Ես ողջունում եմ ֆիլմի ամբողջ անձնակազմին, հատկապես՝ իմ լավ ընկեր ու լեգենդար պրոդյուսեր Մայք Մեդավոյին, ում տաղանդն ու նվիրումը կյանքի են կոչել այս նախագիծը»,- գրել է Լեոնարդոն։
Հիշեցնենք, որ ֆիլմի մասին դրական կարծիք են արտահայտել նաև Էլթոն Ջոնը, Ջորջ Քլունին, Շերը, Դեն Քեյնը, Անդրե Աղասին, Օուեն Ուիլսոնը, Բարբարա Սթրեյզանդը և ուրիշներ։
Ֆիլմի սյուժեն սիրային եռանկյունու մասին է։ Համեստ դեղագործ Մայքլը թողել է իր գյուղն ու մեկնել Կոստանդնուպոլիս՝ բժշկություն ուսումնասիրելու։ Քրիսը ֆոտոլրագրող է, որը ևս Կոստանդնուպոլիս է եկել, որպեսզի լուսաբանի քաղաքական տարբեր հարցեր։ Նա հարաբերություններ ունի Փարիզում սովորած հայ նկարչուհու՝ Աննայի հետ։ Աննայի ու Մայքլի հանդիպման պատճառով տղաների միջև մրցակցություն է սկսվում։ Այս շրջանում զարգանում է Առաջին աշխարհամարտը, ու երիտասարդները ծանր դրության մեջ են հայտնվում։
