Volkswagen-ը թարմացրել է իր ամենահին մոդելներից մեկը (լուսանկարներ)
ՖՈՏՈ
Գերմանական Volkswagen ընկերությունը ներկայացրել է նորացված 8-րդ սերնդի Golf-ը։ Այս մասին հայտնում է ապրանքանիշի մամուլի ծառայությունը։
Նոր արտադրանքը նախկին մոդելից տարբերվում է փոփոխված լուսարձակներով, առջևի բամպերով և լուսավորված տարբերանշանով: Ներսում առջևի վահանակն ունի նոր էկրան՝ 10,4-12,9 դյույմ չափերով: Բացի այդ, հայտնվել է ներկառուցված ChatGPT մեդիա համակարգ։ Ղեկի սենսորային կոճակները փոխարինվել են պարզ ստեղներով։
Հավելյալ վճարի դիմաց հնարավոր է տեղադրել IQ.Light մատրիցային լուսարձակներ։ Բացի այդ, կա սմարթֆոնից ավտոմատ կայանումը կառավարելու գործառույթ։
Թարմացված Golf-ի գնորդներին հասանելի կլինեն ինը տարբեր տեսակի շարժիչներ՝ հիբրիդային, բենզինային և դիզելային տուրբոշարժիչներ:
Առաջին արտադրության Volkswagen Golf-ը հավաքվել է Վոլֆսբուրգի գործարանում 1974 թվականի մարտի վերջին: 
