Ռումինիայում սկսվել է ՆԱՏՕ-ի` Եվրոպայում ամենամեծ բազայի կառուցումը
ՄԻՋԱԶԳԱՅԻՆ
Ռումինիայում սկսվել է ՆԱՏՕ-ի` Եվրոպայում ամենամեծ բազայի կառուցումը, որը նախատեսված է 10 հազար զինծառայողի համար, հայտնում է Euronews-ը։
Օբյեկտի կառուցումը գնահատվում է 2,5 միլիարդ եվրո: 2,8 հազար հեկտար տարածքով բազան գտնվում է Կոնստանցա թաղամասում, որտեղ գտնվում է Սև ծովում Ռումինիայի նավահանգիստը։
Բազայի ենթակառուցվածքը կառուցվում է արդեն գոյություն ունեցող ՆԱՏՕ-ի «Միխայիլ Կոգալնիցեանու» ավիաբազայի հիման վրա։ Նոր բազայում կլինեն թռիչքուղիներ, զենքի հարթակներ, ռազմական ինքնաթիռների համար նախատեսված անգարներ, ինչպես նաև դպրոցներ, մանկապարտեզներ, խանութներ և հիվանդանոց:
Ռումինացի փորձագետ Դորին Պոպեսկուն պնդում է, որ բազայի կառուցման որոշումը կայացվել է Ուկրաինայում ռազմական հակամարտության ֆոնին, որը նա անվանել է երկարաժամկետ։ Միխայիլ Կոգալնիչեանու ավիաբազայում ներկայումս տեղակայված է մոտ 5 հազար զինվորական, որոնց մեծ մասը ամերիկացիներ են։
