Մեղավոր ճանաչվելու դեպքում Թովմասյանը, եթե չազատազրկվի էլ, կկորցնի ՍԴ դատավորի պաշտոնը
ԻՐԱՎՈՒՆՔ
Եթե ավարտին մոտեցող դատավարությունում պաշտոնեական լիազորություններն անցնելու համար մեղադրվող Հրայր Թովմասյանը մեղավոր ճանաչվի, կկորցնի Սահմանադրական դատարանի դատավորի պաշտոնը։ Իսկ կազատազրկվի միայն մի դեպքում՝ երբ դատավճիռն ուժի մեջ մտնի մինչև դեկտեմբեր։ Դեկտեմբերին կլրանան նրա գործով վաղեմության ժամկետները, «Ազատության» հետ զրույցում ասաց դատախազ Արսեն Մարգարյանը։
«Եթե ուժի մեջ մտավ, դատարանը ազատազրկում տվեց, ուրեմն պիտի ի կատար ածվի դատական ակտը։ Սահմանադրական դատարանի մասին օրենքով էլ կա, որ մեղադրական դատական ակտ կայացված լինելու, օրինական ուժի մեջ մտնելու, կամ նույնիսկ ոչ արդարացնող հիմքով քրեական հետապնդումը դադարեցված լինելու հանգամանքը խոչընդոտ է արդեն դատավորի բարձր պաշտոնը զբաղեցնելու համար», - ասաց Մարգարյանը։
Այս դատավարությունը շարունակվում է արդեն 4.5 տարի։ Անցած դատական նիստին դատախազը 7 տարվա ազատազրկում է պահանջել։ Արդեն հաջորդ նիստին սպասվում է, որ ամբաստանյալը կներկայացնի իր դիրքորոշումը։
Մանրամասները՝ սկզբնաղբյուրում։
