«Կիա» մակնիշի ավտոմեքենաներում լուրջ վտանգ է հայտնաբերվել
ՀԱՍԱՐԱԿՈՒԹՅՈՒՆ
Կորեական Kia ընկերությունը վերանորոգման նպատակով հետ կկանչի 1385 Sorento ավտոմեքենա, որոնք արտադրվել են 2024 թվականի ապրիլի 2-ից հոկտեմբերի 17-ն ընկած ժամանակահատվածում, հայտնում է carscoops.com-ը։
Նշվում է, որ հետկանչի արշավը կապված է վառելիքի գծի գործարանային թերության հետ։ Kia-ն ասում է, որ ճակատային բախման դեպքում քրոսովերի առջևի ենթակառուցվածքը կարող է հետ շարժվել: Սա կհանգեցնի, որ ղեկի դարակը շարժվի դեպի վառելիքի գիծ՝ պոտենցիալ վնասելով այն և առաջացնելով վառելիքի արտահոսք և մեքենայի հրդեհ:
Տրանսպորտային միջոցների սեփականատերերը հետկանչի մասին կտեղեկացվեն հունվարի սկզբին: Նրանք պետք է հնարավորինս շուտ իրենց մեքենաները բերեն Kia-ի դիլերին՝ վերանորոգման համար, ասվում է հրապարակման մեջ:
Նախկինում հայտնի էր դարձել, որ Tesla-ն ստիպված է եղել վերանորոգման համար հետ կանչել 159 մեքենա, քանի որ սպասարկող տեխնիկները խառնել են ղեկի համար նախատեսված անվտանգության բարձիկները և կլոր եզրով ավանդական ղեկը։ Վթարի դեպքում տարբեր տեսակի ղեկի համար նախատեսված անվտանգության բարձիկը կարող է ճիշտ չգործել:
