Մոսկվա-Նորիլսկ երթուղով ինքնաթիռը վայրէջքի ժամանակ դուրս է եկել թռիչքուղուց

Նորիլսկի օդանավակայանում Մոսկվայից ժամանած Airbus 321A ինքնաթիռը վայրէջքից հետո դուրս է եկել թռիչքուղուց:

Այս մասին հայտնեկ է Արևմտյան Սիբիրի տրանսպորտային դատախազության մամուլի ծառայությունը։ Գերատեսչության տվյալներով՝ ինքնաթիռում եղել է 79 ուղևոր։

«Նախնական տվյալներով՝  տեղական ժամանակով մոտ ժամը 8:00-ին (ՀՀ ժամանակով՝ 9:00-ին) Ուրվանցևի անվան Նորիլսկի միջազգային օդանավակայանում Մոսկվայից թռիչք կատարող «Սիբիր» ավիաընկերության Airbus A321 ինքնաթիռի վայրէջքի ավարտից հետո, երթուղու տարածքում շրջադարձի ժամանակ այն դուրս է եկել թռիչքուղուց»,- ասված է դատախազության հաղորդագրությունում։

Տրանսպորտային դատախազությունը հետաքննում է տեղի ունեցածը։