Էլինա Ավանեսյանը Մեքսիկայի մրցաշարում հաղթանակ է գրանցել
ՍՊՈՐՏ
Պրոֆեսիոնալ թենիսիստ Էլինա Ավանեսյանը հաղթանակով է մեկնարկել Մեքսիկայի WTA մրցաշարում:
«Արմենպրես»-ի հաղորդմամբ` «Merida Open»-ի կանանց մենախաղի մեկնարկում Էլինա Ավանեսյանը մրցեց Լեհաստանի ներկայացուցիչ Մագդալենա Ֆրեչի հետ: 2 ժամ 19 րոպե ձգված մրցախաղում Ավանեսյանը հաղթեց երեք սեթից հետո` 4:6, 6:3, 6:3 հաշվով:
Էլինա Ավանեսյանը 2024 թվականի օգոստոսից հանդես է գալիս Հայաստանի դրոշի ներքո։ Իր կարիերայի ընթացքում Ավանեսյանը դասակարգման աղյուսակում լավագույն արդյունքով եղել է 41-րդ տեղում: