Շների ոհմակը 9-ամյա աղջկա է հոշոտել. ՌԴ
ՄԻՋԱԶԳԱՅԻՆ
Ողբերգական դեպք է տեղի ունեցել Ռուսաստանի Դաշնության Ստավրոպոլ քաղաքում. 9-ամյա աղջիկը մահացել է ագրեսիվ շների ոհմակի հարձակման հետևանքով, գրում են ռուսական ԶԼՄ–ները։Նախնական տվյալներով՝ արտակարգ դեպքը տեղի է ունեցել փետրվարի 23-ին, կեսօրից հետո։
Հարձակման պահին երեխան շրջելիս է եղել Չապաևի փողոցի թիվ 35ա տան բակում։ Ստավրոպոլի երկրամասի ղեկավար Վլադիմիր Վլադիմիրովը մեկնաբանել է թափառող շների ոհմակի հարձակման դեպքը, որը հանգեցրել է փոքրիկ աղջկա մահվանը։ Նա նաև իր ցավակցությունն է հայտնել մահացած երեխայի հարազատներին։
«Դեպքի վայրում աշխատում են բոլոր ծառայությունները, այդ թվում՝ իրավապահները։ Կատարվում են քննչական գործողություններ։ Բոլոր հանգամանքները կպարզվեն»,– հայտնել է նա իր տելեգրամյան ալիքում։