Նավթը շարունակում է էժանանալ, Brent-ի մեկ բարելն արժե 70,85 դոլար

Նավթի գնի էժանացումը շարունակվում է չորեքշաբթի առավոտյան՝ կապված OPEC+-ի արդյունահանման աստիճանական մեծացման որոշման եւ ԱՄՆ արտաքին առեւտրային քաղաքականության անորոշության հետ։

Brent-ի մայիսյան ֆյուչերսների արժեքը Լոնդոնի ICE Futures բորսայում կազմել է մեկ բարելը 70,85 դոլար, ինչը 0,19 դոլարով (0,27 տոկոս) ցածր է նախորդ առճուրդների փակման ցուցանիշից։ Երեքշաբթի այս պայմանագրերն էժանացել են 0,58 դոլարով (0,8 տոկոս)՝ մեկ բարելը 71,04 դոլար։

WTI-ի ապրիլյան ֆյուչերսները Նյու Յորքի ապրանքային բորսայի (NYMEX) էլեկտրոնային աճուրդներում նվազել են 0,54 դոլարով (0,79 տոկոս)՝ մեկ բարելը 67,72 դոլար։ Նախորդ աճուրդների արդյունքներով այս պայմանագրերի արժեքը նվազել է 0,11 դոլարով (0,2 տոկոս)՝ մեկ բարելը 68,26 դոլար։