Անցած գիշեր ՌԴ օդային տարածքում 158 ԱԹՍ է խոցվել

ՌԴ հակաօդային պաշտպանության համակարգերը Ռուսաստանի 11 մարզերի, ինչպես նաև Ազովի և Սև ծովերի օդային տարածքներում ոչնչացրել են 158 ուկրաինական անօդաչու թռչող սարք, հայտնում է kommersant.ru-ն՝ ՌԴ ՊՆ մամուլի ծառայությանը հղումով։

Անօդաչու թռչող սարքերի մեծ մասը խոցվել է Կրասնոդարի երկրամասում՝ 67-ը:

Ռազմական գերատեսչության հաղորդագրությունների համաձայն՝ ապրիլի 8-ի ժամը 20:00-ից ապրիլի 9-ի ժամը 06:00-ն ընկած ժամանակահատվածում ոչնչացվել է նաև.

• 29 ԱԹՍ՝ Ռոստովի մարզում
• 15 ԱԹՍ՝ Հյուսիսային Օսիայում
• 11 ԱԹՍ՝ Վորոնեժի մարզում
• 10 ԱԹՍ՝ Կուրսկի մարզում
• 7 ԱԹՍ՝ Ազովի ծովի օդային տարածքում
• 6 ԱԹՍ՝ Սև ծովի օդային տարածքում 
• 5 ԱԹՍ՝ Բելգորոդի մարզում 
• 3 ԱԹՍ՝ Ղրիմում
• 2 ԱԹՍ՝ Պենզայի մարզում
• 1-ական ԱԹՍ՝ Սարատովի, Օրյոլի, Ստավրոպոլի մարզերում: