Louis Vuitton-ը ներկայացրել է Chocolate Egg Bag ուտելի պայուսակը Զատկի համար՝ 224 եվրո արժողությամբ

Այս Զատկին Louis Vuitton-ը ներկայացնում է շոկոլադի դեկադենտական հավաքածու՝ ստեղծված հայտնի հրուշակագործ Մաքսիմ Ֆրեդերիկի հետ համագործակցությամբ։ Chocolate Egg Bag-ը Նորաձեւության տան Egg Bag կուլտային պայուսակի ուտելի մեկնաբանությունն է, որն ստեղծել է Նիքոլ Ժեսքիերը 2019թ. գարուն/ամառ կանանց հավաքածուի համար, տեղեկացրել է Hypebeast-ը։

Ֆրեդերիկը Egg Bag պայուսակի ֆուտուրիստական ուրվագիծը մարմնավորում է շոկոլադի արվեստի օգնությամբ։ Պայուսակի թաղանթը պատրաստված է 70 տոկոս դառը շոկոլադից՝ առաջարկելով խոր, ինտենսիվ համային պրոֆիլ, իսկ բռնակները, գոտին եւ շղթաները վերստեղծվել են 40 տոկոս կաթնային շոկոլադից՝ ստույգ արտացոլելով պայուսակի կաշվե դետալները։

Մակերեսը զարդարված է Louis Vuitton ֆիրմային մոնոգրամով։ Ներսում 40 տոկոս կաթնային շոկոլադի սալիկն է՝ ջանդույի ընկույզի կրեմով, ինչը անսպասելի եւ հաճելի տեքստուրային հակադրություն է ստեղծում։

«Պայուսակը» կշռում է մոտ մեկ կիլոգրամ եւ արժե 225 եվրո (մոտ 245 դոլար)։