Ջավախքում սեփական տանը սպանված են հայտնաբերել ընտանիքի մորն ու երեք երեխաներին
ՊԱՏՄՈՒԹՅԱՆ ԱՅՍ ՕՐԸ![Ջավախքում սեփական տանը սպանված են հայտնաբերել ընտանիքի մորն ու երեք երեխաներին](/timthumb.php?src=/disc/11-07-16/174059bba951d785a0b756d078efed1c.jpg&w=780)
Ջավախքի Ախալքալաքի շրջանի Վաչիան գյուղում հուլիսի 10-ին սեփական տան մեջ մահացած հայտնաբերվել են հայ ընտանիքի չորս անդամներ`37-ամյա մայրը` Օֆելյան եւ երեք երեխաները` 7, 16, 18-ամյա Սերյոժան, Ասյան եւ Արմինեն: NEWS.am-ի տեղեկություններով, Քաչոտյաններին մի քանի օր անց մահացած հայտնաբերել է հարեւանը:
Նախնական տեղեկություններով, հանցագործը մորն ու աղջիկներին սպանել է բութ գործիքի հարվածներով, իսկ տղային խեղդամահ է արել:
Մահացածներին գտնելու պահին տան իրերը` սեղան ու աթոռները հատակին ընկած են եղել, իսկ տունը ծխից մրոտված:
Նշենք, որ ընտանիքի հայրը` Վաղինակ Քաչոտյանը, Ռուսաստանի Դաշնությունում է` արտագնա աշխատանքի: