Հանուն էգի ուշադրության՝ ՀԱՀ-ում առյուծը հարձակվել է զբոսաշրջիկների վրա
ՖՈՏՈՀարավաֆրիկյան Հանրապետության ազգային պարկերից մեկի այցելուն նկարահանել է՝ ինչպես է առյուծը հարձակվում զբոսաշրջիկների տեղափոխող ավտոմեքենայի վրա: Համապատասխան տեսանյութը հրապարակվել է YouTube-ի Kruger Sightings ալիքում:
Տեսանյութի 29-ամյա հեղինակ Մարկ Ուիլյամս Ուինի խոսքով՝ գիշատիչը հարձակվել է ավտոմեքենայի վրա՝ էգի ուշադրությունը գրավելու համար:
«Առյուծը մի քանի անգամ փորձեց գրավել էգի ուշադրությունը, սակայն վերջինս նրան պատասխանեց ահեղ մռնչյունով: Մի քանի անհաջող փորձից հետո գիշատիչը որոշեց հարձակվել մոտակա ավտոմեքենայի վրա՝ էգի վրա տպավորություն թողնելու համար: Ավտոմեքենայի պատուհանները փակ էին, և ոչ ոք չտուժեց», - միջադեպի մասին պատմել է տեսանյութի հեղինակը:
«Հարձակումից հետո առյուծը շրջվեց դեպի էգը՝ ասես ցույց տալով իր խիզախությունը: Սա ամենասարսափելի դեպքն էր իմ ճանապարհորդությունների ամբողջ ընթացքում, նման բան երբեք չէի տեսել, և ուրախ եմ, որ կարողացա նկարահանել», - ասել է տղամարդը:
