«Ժողովուրդ». Հորը սպանելու մեջ մեղադրվող երիտասարդն արգելել է ընկերներին գնալ նրա թաղմանը

«Ժողովուրդ» թերթը գրում է. «Օգոստոսի 4-ին առավոտյան Նոյեմբերյանի տարածաշրջանի Կողբ գյուղում 25-ամյա Սարո Աբգարյանը որսորդական հրացանի կրակոցով սպանել է իր հորը՝ 61-ամյա Արտաշես Սարիբեկի Աբգարյանին:

Սարո Աբգարյանը գտնվում է «Վանաձոր» քրեակատարողական հիմնարկում: Նրան մեղադրանք է առաջադրվել Քրեական օրենսգրքի 104-րդ հոդվածի 1-ին մասով:

Երբ Սարոյի համագյուղացի ընկերները նրան այցելել են ոստիկանության բաժնի մեկուսարան, նա համագյուղացիներին պատվիրել է չգնալ հոր թաղմանը՝ ասելով, որ ինքը դատի ժամանակ հոր մասին այնպիսի բաներ է բացահայտելու, որ բոլորը սահմռկելու են:

Նշենք, որ Սարոյի քույրը մոտ 5 տարի առաջ Երեւանում շենքից ցած նետվելով՝ ինքնասպան է եղել: Սարոյի մյուս քույրը հոգեկան հիվանդ է, մի անգամ Կողբում գտնվող իրենց տնից մերկ վիճակում դուրս է փախել»:

Առավել մանրամասն՝ թերթի այսօրվա համարում: