Ճանապարհներին խցանումներից խուսափելու արդյունավետ միջոց է առաջարկվել
ՎԻԴԵՈԱմերիկյան փորձագետները ճանապարհներին խցանումներից խուսափելու արդյունավետ միջոց են առաջարկել: Դրա համար յուրաքանչյուր մեքենա պետք է այնպես տեղաշարժվի, որ նրա եւ իրենից առաջ եւ հետո ընթացող մեքենաների միջեւ հեռավորությունը հավասար լինի: Մասնագետների գաղափարը ցուցադրող տեսանյութը հասանելի է YoyTube-ում CGP Grey կրթական ալիքով, հայտնում է Popular Mechanics պարբերականը:
Նման գաղափարի իրագործումը գործնականում բարդ է, որովհետեւ ենթադրում է, որ ճանապարհային երթեւեկության բոլոր մասնակիցները պետք է իմանան դրա մասին: Սակայն դա կարող է արդյունավետ լինել անօդաչու տրանսպորտային միջոցների համար, որոնք չունեն մարդկային գործոնի հետ կապված թերությունները: