Չեխիայի խորհրդարանական խմբի ղեկավարը Սիրիայում անվտանգության գոտու ստեղծումը հանցավոր գործողություն է համարում.ՍԱՆԱ
ՄԻՋԱԶԳԱՅԻՆ
Չեխիայի բարեկամության խորհրդարանական խմբի ղեկավար Ստանիսլավ Գրոսպիկը հայտարարել է, որ Սիրիայում այսպես կոչված «անվտանգության գոտի» ստեղծելու թուրք-ամերիկյան համաձայնագիրը հանցավոր եւ աննորմալ գործողություն է ՝ հավելելով, որ Վաշինգտոնն ու Անկարան իրավունք չունեն սպառնալ Սիրիայի տարածքային ամբողջականությանը, հայտնում է ՍԱՆԱ:
Սիրիական գործակալությանը տված իր մեկնաբանությունում Գրոսպիկն ասել է, որ Սիրիայի տարածքում թուրքական եւ ամերիկյան ներկայությունն անօրինական է եւ ցանկացած կոնտեքստում չարդարացված եւ նրանք ոչ մի իրավունք չունեն սպառնալու Սիրիայի տարածքային ամբողջականությանը կամ Սիրիայի ժողովրդի անունից հարցերը լուծելու կամ Սիրիայի տարածքում առանց կառավարության թույլտվության ինչ-որ գործողություններ անցկացնելու:
Գործակալության հաղորդմամբ՝ Գրոսպիկը հավելել է, որ թուրքական եւ ամերիկյան կողմերը ներգրավված են Սիրիայում ահաբեկչությանը սատարելուն եւ այդպիսով պատասխանատու են երկրում ճգնաժամի երկարացման համար:
Նա ընդգծել է, որ Սիրիայի ժողովուրդը արժանի է վայելելու խաղաղությունը եւ շարունակելու վերականգնման գործընթացը, եւ նրանք թուրքերի կամ ամերիկացիների կարիքը չունեն», - նշում է ՍԱՆԱ-ն:
