Սևանի քաղաքապետ Ռուդիկ Ղուկասյանին բերման են ենթարկել. ինչում է նա մեղադրվում
ՊԱՏՄՈՒԹՅԱՆ ԱՅՍ ՕՐԸ
Քննչական կոմիտեի Սևանի քննչական բաժնից տեղեկացանք, որ Սևան քաղաքի գործող քաղաքապետ, քաղաքապետի թեկնածու Ռուդիկ Ղուկասյանին բերման են ենթարկել.
«Հարուցվել է քրեական գործ, նյութեր են պատրաստվում Մարտունու քննչական բաժնում, առավոտյան մենք նրան, քննիչի որոշմամբ, բերման ենք ենթարկել, այս պահին Ղուկասյանը գտնվում է Մարտունու քննչական բաժնում»:
Ինչպես տեղեկացանք Քննչական կոմիտեից նրան մեղադրանք է առաջադրվել ՀՀ քր. օրենսգրքի 179-րդ հոդվածի, 2-րդ մասի, 1-ին կետի հատկանիշներով, որն իրենից ենթադրում է պաշտոնական դիրքը չարաշահելով՝ գույքի յուրացում.
«Սովետի ժամանակներից մնացած ստորգետնյա խողովակներ կային, որոնք յուրացրել և վաճառել է մեկ ուրիշի: Գնորդը վճարել է 1 միլիոն դրամ, սակայն դեռևս պետք է քննչականը փորձաքննություն անցկացնի և փորձագետներն արդեն հստակ կնշեն, թե մեկ մետր խողովակն ինչ արժի, և ինչքան գումար է յուրացվել»:
