Նախարարը 690 միլիոն է փոխանցել իր օրինախախտ կազմակերպությանը. Ֆոտո
ԱՄԵՆԱԸՆԹԵՐՑՎԱԾՊարզվում է ՀՀ ֆինանսների նախկին նախարար Գագիկ Խաչատրյանը իր պաշտոնավարման տարիներին մեծ սեր է ունեցել օրինախախտ կազմակերպությունների հետ:
Գագիկ Խաչատրյանը` իր պաշտոնավարման տարիներին, ավելի քան 5 միլիարդ դրամի հասնող շինարարական աշխատանք է վստահել «Սահակյանշին» ՍՊԸ-ին:
Որոշման տեղեկանքից պարզվում է, որ շինաշխատանքների մրցույթներն անցկացվել են «Բանակցային ընթացակարգ առանց հայտարարության» եղանակով։ Այն գնորդին թույլ է տալիս ընտրել «անհրաժեշտ» ընկերությանը։
Այս ստվերային գործարքներից հետո եղան հրապարակումներ, որ ընկերությունը կապ ունի ՊԵԿ ղեկավար, այնուհետև Ֆինանսների նախարար Գագիկ Խաչատրյանի ընտանիքի հետ:
Նման հրապարակումներից հետո մի քանի անգամ Ֆինանսների նախարարությունը տուգանել է «Սահակյանշին» ՍՊԸ-ին օրինախախտումների համար: Հաշվի առնելով այն գումարները, որոնք պետական բյուջեից հատկացվում էին ընկերությանը՝ տուգանքները բավական խղճուկ էին: 2015 թվականի նոյեմբերին, երբ ֆինասների նախարար էր Գագիկ Խաչատրյանը, նախարարությունը 50 հազար դրամով տուգանել էր վերնշված ընկերությանը:
Հետաքրքիր է, որ այս օրինախախտ ընկերության հետ ամիսներ հետո՝ 2016 թվականի փետրվար ամսին Գագիկ Խաչատրյանի հրահանգով Ֆինասների նախարարությունը՝ 690 միլիոն դրամի պայմանագիր է կնքում:
Ի դեպ այս ընկերությունը ընտրվել է առանց մրցույթի և հնարավորություն չի տրվել այլ ընկերությունների ևս մասնակից դառնալ: Հասկանալի է, որ Ֆինանսների նախկին նախարար Գագիկ Խաչատրյանի նման կոռումպացված գործիչը՝ պատահական, որևէ մեկին չէր փոխանցի այդքան մեծ գումարներ:
Politik.am-ի տեղեկությունների համաձայն ընկերությունը իրականում պատկանում է նախկին նախարարի ընտանիքին և նախարարության կողմից նշանակված չնչին տուգանքների նպատակը քարոզչական է եղել, որպեսզի մարդիկ հանկարծ չկասկածեն, որ ընկերությունը նախարարինն է:
Ի դեպ մամուլում եղան հրապարակումներ, որ այն պահին, երբ Գագիկ Խաչատրյանի ղեկավարած ՊԵԿ-ը՝ 5 միլիարդ դրամի պայմանագիր էր կնքում «Սահակյանշին» ՍՊԸ-ի հետ, այն դեռևս գոյություն չունեցող կազմակերպություն էր:
Պայմանագրի մասին տեղեկատվությունը վերցված է կառավարության e-gov.am կայքից։