Հովիկ Աբրահամյանին վերագրվող BMW 7-Series ավտոմեքենան իրականում ձեռք է բերել Տիգրան Սարգսյանը

Մամուլում լուրեր են շրջանառվում այն մասին, որ ՀՀ վարչապետ Կարեն Կարապետյանը հրաժարվել է նախկին վարչապետ Հովիկ Աբրահամյանի ծառայողական մեքենայից: BMW 7-Series մակնիշի մեքենայի փոխարեն Կարապետյանը ներկայումս շրջում է «Lexus lx 470» մակնիշի մեքենայով, որի վրա ամրացվել են ծառայողական համարանիշերը՝ «001 LL 01»:

Վարչապետի խորհրդական Շուշան Սարդարյանը armtimes.com-ին վստահեցրել է, որ թե Հովիկ Աբրահամյանին սպասարկող BMW 7-Series մակնիշի մեքենան ե՛ւ թե «Lexus lx 470»-ը Կառավարության ավտոտնտեսությունում են և ՀՀ Կառավարության բալանսում գտնվող մեքենաներ են:

Մինչդեռ, ինչպես հայտնեցին կառավարության մեր աղբյուրները, ավտոմեքենաների լավ ու վատ լինելու, պատկանելության կամ նման այլ հարցեր չեն առաջացել և չեն քննարկվել, քանի որ իրականում թե Հովիկ Աբրահամյանը, թե Կարեն Կարապետյանը այդ մեքենաների գնման հետ որևէ առնչություն չունեն:

Վերոհիշյալ BMW 7-Series-ը ձեռք է բերել Տիգրան Սարգսյանը` իր վարչապետության օրոք, իսկ կառավարության ղեկավարներին ավտոմեքենաները տրամադրվում են ըստ անհրաժեշտության` կապված եղանակային պայմանների և այլ գործոնների հետ...