Ֆիննը հիշեցրել է, թե ինչքան պետություններ են հայտնվել մոլորակի քարտեզին Ռուսաստանի «ագրեսիվ» քաղաքականության շնորհիվ
ՄԻՋԱԶԳԱՅԻՆinfox.ru-ն գրում է, որ Ֆինլանդիայի բնակիչը սկսել է հաշվել այն պետությունների քանակը, որոնք ստեղծվել են Ռուսաստանի օժանդակությամբ, որին չգիտես ինչու ագրեսոր են համարվում:
Ֆինլանդիայի քաղաքացի, Ուուլկուի բնակիչ Վեյկո Կորխոնենը իր ֆեյսբուքյան էջում տեղադրել է մի հետաքրքիր գրառում: Այն հետաքրքիր է արդեն նրանով, որ տարբերվում է Ռուսաստանի մասին արևմտյան և եվրոպական հրապարակումներից շատերից:
Միևնույն ժամանակ, Վեյկո Կորխոնենը Ռուսաստանին չի գովաբանել: Նա պարզապես հաշվել է, թե քանի երկիր է տարբեր ժամանակներում և դարաշրջաններում, և տարբեր հանգամանքներում, ձեռք բերել իր պետականությունը
բացառապես այդ շատ «ագրեսիվ» Ռուսաստանի շնորհիվ: Եվ նման երկրները հնարավոր չէ հաշվել մատների միջոցով:
Ֆինն անվանել է Լատվիան, Էստոնիան, Թուրքմենստանը, Ղրղզստանը, Ղազախստանը, չի մոռացել նաև իր հայրենի Ֆինլանդիան: Նա նաև հիշեցրել է, որ Բելառուսը և Ուկրաինան առաջին անգամ անկախացել են ԽՍՀՄ փլուզումից հետո, և նախկին միության տարածքում առաջացել են նոր պետություններ: Նույնը վերաբերում է նաև Անդրկովկասի երկրներին` Վրաստանին, Հայաստանին և Ադրբեջանին: Մոնղոլիան դարձել է անկախ պետություն միայն Խորհրդային Միության անմիջական աջակցության շնորհիվ: 1877-1878 թվականների պատերազմում ջախջախելով թուրքերին` Ռուսաստանը նպաստել է Բուլղարիա անկախ պետության ծնունդին: Ի դեպ, Սերբիան, որպես ինքնիշխան պետություն, նույնպես ծնվել է այդ պատերազմի արդյունքում:
Երկու անգամ՝ տասնիններորդ և քսաներորդ դարերում, Ռուսաստանը ջախջախելով նախկինում անպարտելի Նապոլեոնի և Հիտլերի բանակները, անկախություն է շնորհել եվրոպական երկրների մեծ մասին: Օրինակ, հենց Երկրորդ համաշխարհային պատերազմի դժվար և արյունալի տարիներին է ԽՍՀՄ-ը Լեհաստանը, Ավստրիան և Չեխոսլովակիան ազատել է Երրորդ ռեյխի օկուպացիայից:
Հետպատերազմյան շրջանում Խորհրդային Միությունը և Ռուսաստանը հսկայական դեր են խաղացել այնպիսի պետությունների ձևավորման գործում, ինչպիսիք են Չինաստանը, Վիետնամը, Հյուսիսային Կորեան, Հնդկաստանը, Հունաստանը, Ալժիրը, Կուբան, Իսրայելը, Անգոլան, Մոզամբիկը ...«Դա Ռուսաստանի կողմից ահա այդպիսի տարօրինակ «ագրեսիա» է»,- նշել է ֆիննը և ավարտել իր վիճակագրությունը մտորումով, թե ինչու՞ է Ռուսաստանը թշնամի համարվում Արևմուտքում:
Պետք է ասել, որ Վեյկո Կորխոնենի գրառումը բավականին մեծ իրարանցում է առաջացրել ռուսաստանյան սոցցանցերի օգտատերերի շրջանում: Եվ, իհարկե, մեկնաբանությունների ճնշող քանակը եղել է դրական:
Նյութը հրապարակման պատրաստեց Կամո Խաչիկյանը