Պղինձն էժանանում է

Երկուշաբթի պղնձի գներն էժանանում են աշխարհում կորոնավիրուսի նոր շտամների տարածման ֆոնին պահանջարկի հետ կապված երկյուղների պատճառով, վկայում են աճուրդների տվյալները։

Պղնձի նոյեմբերյան ֆյուչերսների արժեքը Comex բորսայում նվազել է 0,53 տոկոսով՝ մեկ ֆունտը (մոտ 0,45 կիլոգրամ) 4,281 դոլար։

Ուրբաթ օրվա տվյալներով՝ Լոնդոնի մետաղների բորսայում (LME) մեկ տոննա պղնձի արժեքը երեք ամիս հետո մատակարարմամբ նվազել է 0,63 տոկոսով՝ 9427 դոլար, ալյումինիումինը՝ 1,17 տոկոսով՝ 2488,5 դոլար, ցինկինն ավելացել է 1,16 տոկոսով՝ մեկ տոննան 3003 դոլար։