Եվրոպայում գազի գինը գերազանցել է 1400 դոլարը՝ հազար խորանարդ մետրի համար

Եվրոպայում գազի գինը երեքշաբթի կայացած բորսային աճուրդի ժամանակ աճել է 5,3 տոկոսով՝ կազմելով ավելի քան 1400 դոլար՝ 1000 խորանարդ մետրի համար: ՏԱՍՍ գործակալության փոխանցմամբ՝ այս մասին վկայում են լոնդոնյան ICE բորսայի տվյալները:

Նիդերլանդական TTF հաբում գազի հունվարյան ֆյուչերսների գինը 11:04-ի դրությամբ կազմել է 1425 դոլար՝ հազար խորանարդ մետրի համար կամ 122,195 եվրո մեկ ՄՎտ/ժամի համար:

11:10-ի դրությամբ՝ գազի գինն աճել է 5,5 տոկոսով՝ հասնելով 1428 դոլարի՝ 1000 խորանարդի համար կամ 122,5 եվրո՝ 1 ՄՎտ/ժամի համար: