Պուտինը ռուս-չինական հարաբերություններն անվանել է ընդօրինակման նմուշ 21-րդ դարում

Ռուսաստանի և Չինաստանի միջև հարաբերությունները կարելի է համարել 21-րդ դարի միջազգային հարաբերությունների իրական նմուշ ընդօրինակման համար: «ՌԻԱ Նովոստի»-ի փոխանցմամբ՝ նման կարծիք է հայտնել ՌԴ նախագահ Վլադիմիր Պուտինը չինացի գործընկերոջ հետ բանակցությունների մեկնարկին:

Պուտինն ընդգծել է, որ ուրախ է Սի Ծինփինի հետ տեսակապի միջոցով ռազմավարական գործընկերության հարցերը քննարկելու համար:  «Այս հարաբերությունները միջազգային համագործակցության իրական օրինակ եմ համարում 21-րդ դարում»,- ասել է ՌԴ ղեկավարը:

Վերջինս հույս է հայտնել, որ փոտրվարին կահջողվի վերադառնալ դեմ առ դեմ հանդիպման Պեկինում:

Ավելի վաղ Չինաստանի ԱԳՆ-ից հայտնել էին, որ «գագաթնաժողովը կամրապնդի փոխադարձ վստահությունը Պեկինի և Մոսկվայի միջև և կայունություն կմտցնի քաոտիկ միջազգային իրավիաճակում»: