Չինաստանն անխուսափելիորեն կդառնա աշխարհի առաջին տնտեսությունը. ԱՄՆ-ն չի կարող զսպել նրա զարգացումը. Պուտին
ՄԻՋԱԶԳԱՅԻՆ
Չինաստանն անխուսափելիորեն կդառնա աշխարհի առաջին տնտեսությունը, հայտարարել է ՌԴ նախագահ Վլադիմիր Պուտինը տարեկան մամուլի ասուլիսում, գրում է «ՌԻԱ Նովոստի»-ն:
«Զսպման փորձը սխալ քաղաքականություն է, ինչպես որ այս դեպքում սխալ է սպորտն օգտագործելը որոշ ակնթարթային քաղաքական հարցեր լուծելու համար: Նրանք (ԱՄՆ- խմբ.) չեն կարող զսպել Չինաստանի զարգացումը։ Նրանք պետք է սա ի վերջո գիտակցեն՝ չեն զսպի: Արդեն այսօր գնողունակության պարիտետով Չինաստանի տնտեսությունն ավելի մեծ է, քան ամերիկյանը, կանցնի ևս 35-50 տարի, Չինաստանն անխուսափելիորեն կդառնա աշխարհում առաջին տնտեսությունը մնացած բոլոր ցուցանիշներով»,-ասել է Պուտինը:
