«Փոխանակ պահեինք բերդաքաղաք Շուշին, դավադրաբար այն հանձնեցինք թշնամուն»․ Ավետիք Իշխանյան
ՔԱՂԱՔԱԿԱՆՈՒԹՅՈՒՆԱվետիք Իշխանյանը ֆեյսբուքյան իր էջում գրել է․
ՀԱՍՆՈՒՄ Է
Մեկ լսում ես, թուրք-ադրբեջանական կողմին ուղղված, վարչապետ կոչեցյալի ռեվերանսները, մեկ էլ , դրան ի պատասխան, Ադրբեջանի նախագահի հերթական հակահայկական հայտարարությունները։
Ադրբեջանի նախագահը հայտարարում է, իր խոսքերով Իրևանի ուսուցչական սեմինարիայի 140-ամյակի միջոցառումների նախապատրաստման մասին։
Հերթական անգամ, նա անթաքույց հայտարարում է ողջ Հայաստանի տարածքի նկատմամբ իր հավակնությունների մասին։
Ի դեպ, արևելահայկական մշակութային հիմնական կենտրոններն են եղել Թիֆլիսը, Բաքուն և բուն պատմական Հայաստանի տարածքում Շուշին։ Շուշիում 1881թ․ բացվել է հայտնի Ռեալական դպրոցը, որի շրջանավարտներն են եղել բազմաթիվ հայ մտավորականներ։
Եվ ահա, փոխանակ մենք պահեինք, պահպանեինք հայոց պատմական, մշակութային բերդաքաղաք Շուշին և նշեինք Ռեալական դպրոցի 140 ամյակը․․․դավադրաբար այն հանձնեցինք թշնամուն և վարչապետ չեղածի շուրթերով այն անվանեցինք «դժգույն, դժբախտ, ադրբեջանական քաղաք»։
Ահա և քեզ մի կողմից նվաճող, ստախոս բռնապետի խոսքերն ու հավակնությունները, մյուս կողմից,նույնպես ստախոս,խեղճուկրակ բռնապետիկի ողորմելիությունը։
Ընդունենք, որ մեզ հասնում է, քանի որ այս ամենը մենք հանդուրժում ենք։