Չինաստանում 5,5 մագնիտուդով երկրաշարժ է գրանցվել

Չինաստանի հարավ-արևմուտքում՝ Յունան նահանգում, 5,5 մագնիտուդով երկրաշարժ է տեղի ունեցել։ Տեղեկացնում է ՌԻԱ Նովոստին` հղում անելով Չինաստանի սեյսմիկ կենտրոնին։

Ստորգետնյա ցնցումները գրանցվել են տեղական ժամանակով 15.02-ին (Երևանի ժամանակով` 11.02-ին) Լիցզյան քաղաքային օկրուգի Նինլան-Իյան ինքնավար գավառում:

Երկրաշարժի էպիկենտրոնը գտնվել է 10 կմ խորության վրա:

Զոհերի և ավերածությունների մասին տեղեկություններ դեռ չկան: