Սիրիայի ՀՕՊ-ի միջոցները դիմագրավել են իսրայելական հրթիռային գրոհը Դամասկոսի երկնքում

Սիրիայի հակաօդային պաշտպանության միջոցները հունվարի լույս 31-ի գիշերը կրակ են բացել օդային թիրախների վրա Դամասկոսի երկրնքում: Այդ մասին հայտնել է Al Ekhbariya հեռուստաալիքը՝ վկայակոչելով զինվորական աղբյուրներ:

Հեռուստաալիքի տվյալներով՝ Իսրայելի օդուժի արձակած հրթիռների մի մասը ոչնչացվել է: Գրոհը կատարվել տեղական ժամանակով 03:05-ին (Երեւանի ժամանակով 05:05-ին), ինչի հետեւանքով հասցվել է նյութական վնաս, հաղորդել է ՏԱՍՍ-ը: