ՀՖՖ մրցավարները ուսումնամարզական հավաք են անցկացնում Ռուսաստանում
ՍՊՈՐՏ
ՀՖՖ մրցավարները Սլավիկ Ղազարյանի գլխավորությամբ, ուսումնամարզական հավաք են անցկացնում ռուսական Կրիմսկ քաղաքում։
Հավաքի ընթացքում հայ մրցավարները անցկացնում են տեսական եւ գործնական պարապմունքներ, հաղորդում է ՀՖՖ-ի մամուլի ծառայությունը։
ՖԻՖԱ-ի հրահանգիչ Ալան Սնոուդին (Հյուսիսային Իռլանդիա) սեմինարներ է անցկացրել ընդհանուր խաղի կանոնների վերաբերյալ, Ֆարխաթ Աբդուլաևը (Ուզբեկստան) խոսել է VAR համակարգի և դրա կիրառման մասին: Ֆիզպատրաստության մարզումներն անցկացնում է Արման Ալաբերքյանը։
Մասնակից մրցավարները տեսական և գործնական պարապմունքներից հետո հանձնելու են քննություններ։
