Պուտինը և Մակրոնը հեռախոսազրույց են ունեցել, որը տևել է 1 ժամ 40 րոպե

Ռուսաստանի նախագահ Վլադիմիր Պուտինը շաբաթ օրը՝ փետրվարի 12-ին, զանգահարել է իր ֆրանսիացի գործընկեր Էմանուել Մակրոնին։ Քաղաքական գործիչների զրույցը տեւել է 1 ժամ 40 րոպե, հայտնում է Europe1 հեռուստաալիքը՝ Ելիսեյան պալատին հղումով։

Նշվում է, որ զրույցի ընթացքում կողմերը կենտրոնացել են «ռուս-ուկրաինական ճգնաժամում» աճող լարվածության վրա։

France-Presse-ի հաղորդմամբ` Մակրոնը Պուտինի հետ զրույցում ասել է, որ անկեղծ երկխոսությունն անհամատեղելի է էսկալացիայի հետ:

Հայտնի է, որ փետրվարի 12-ին Պուտինը նախատեսում է հեռախոսազրույց ունենալ նաեւ իր ամերիկացի գործընկեր Ջո Բայդենի հետ։