Ստանիսլավ Զասը խոսել է Դոնբասում ՀԱՊԿ խաղաղապահներ տեղակայելու մասին
ՄԻՋԱԶԳԱՅԻՆ
ՀԱՊԿ խաղաղապահների տեղակայումը Դոնբասի հակամարտության գոտում հնարավոր կլինի ՄԱԿ-ի Անվտանգության խորհրդի թույլտվությամբ և Կիևի համաձայնությամբ։ Այս մասին հայտարարել է Հավաքական անվտանգության պայմանագրի կազմակերպության գլխավոր քարտուղար Ստանիսլավ Զասը շաբաթ օրը Reuters-ին տված հարցազրույցում։
«Հիպոթետիկորեն դա հնարավոր է, բայց դրա համար անհրաժեշտ է Ուկրաինայի համաձայնությունը, ի վերջո, դա նրա տարածքն է, ՄԱԿ-ի Անվտանգության խորհրդի մանդատը, և անհրաժեշտ է նաև, որ այս որոշումը պաշտպանվի մեր բոլոր կառավարությունների կողմից»,- ասել է նա՝ պատասխանելով. համապատասխան հարցին:
ՀԱՊԿ գլխավոր քարտուղարը հավելել է, որ ներուկրաինական հակամարտությունը կարող է լուծվել միայն դիվանագիտական ճանապարհով, սակայն այժմ իրավիճակը զարգանում է վտանգավոր ուղղությամբ։ «Ես չեմ հավատում, որ այժմ իրավիճակը կարող է վերադառնալ այն վիճակին, երբ տանկերը մնում էին իրենց հենակետերում, իսկ զինվորները՝ զորանոցներում, հիմա անհրաժեշտ է` գիտակցենք, որ պետք է նստել բանակցությունների սեղանի շուրջ և համաձայնության գալ։ Այդպիսին է նոր իրականությունը»,- ասել է Զասը:
