Հայաստան են ժամանում ադրբեջանցի պատգամավորներ. այսօր՝ փետրվարի 21-ին, ժամը 17։30-ին Արմենիա Մարիոթ հյուրանոցի դիմաց և երեքշաբթի՝ փետրվարի 22-ին՝ ժամը 12։00-ին Մարզահամերգային համալիրի մոտ կայանալու են բողոքի ակցիաներ. Լիլիթ Թումանյան
ՔԱՂԱՔԱԿԱՆՈՒԹՅՈՒՆ
«Ադեկվատ» կուսակցության վարչության անդամ Լիլիթ Թումանյանը ֆեյսբուքյան իր էջում գրում է.
Կարևոր է իմանալ
Հայաստան են ժամանում ադրբեջանցի պատգամավորներ։ Գալիս են մասնակցելու Եվրանեսթ խորհրդարանական վեհաժողովի բյուրոյի և հանձնաժողովների նիստերին։
Դա պետք է տեղի ունենա փետրվարի 22-ին, ժամը 12-00-ին Կարեն Դեմիրճյանի անվան մարզահամերգային համալիրում։
Ի նշան անհամաձայնության ու բողոքի, այսօր՝ փետրվարի 21-ին, ժամը 17։30-ին Արմենիա Մարիոթ հյուրանոցի դիմաց և երեքշաբթի՝ փետրվարի 22-ին՝ ժամը 12։00-ին Մարզահամերգային համալիրի մոտ կայանալու են բողոքի ակցիաներ։ (շատերը չգիտեն այսօրվա ակցիայի մասին, միայն վաղվա բողոքի ակցիայի մասին գիտեն)
«Ո՞րն է դրա իմաստը, արդյունավետությունը» հարցերին չեմ անդրադառնալու․ պետությունը, կամ պետության ներկայացուցիչները կարող են ունենալ այլ վարքագիծ և ուղենիշ, քաղաքացիական հասարակությունը՝ այլ։
Հիմա հասարակությունն ասում է՝ դեմ եմ։
