«Չելսին» մտադիր է ձեռք բերել «Վուլվերհեմփթոնի» խաղացողին

Լոնդոնի «Չելսին» հետաքրքրված է «Վուլվերհեմփթոնի» պաշտպան Մաքս Քիլմանի ծառայություններով։ Արդեն մի քանի շաբաթ «Չելսիի» ներկայացուցիչները հետեւում են 24-ամյա ֆուտբոլիստի խաղին եւ ամռանն առաջարկ կանեն «Վուլվերհեմփթոնին», հաղորդում է talkSPORT-ը։

Անգլիացի խաղացողի պայմանագիրը «Վուլվերհեմփթոնի» հետ նախատեսված է մինչեւ 2026թ․ հունիս։ Transfermarkt-ը նրա տրանսֆերային արժեքը գնահատում է 9 միլիոն եվրո։

Մաքս Քիլմանը «Վուլվերհեմփթոնում» է հանդես գալիս 2018թ․ օգոստոսից։ Ընթացիկ մրցաշրջանում նա մասնակցել է 28 հանդիպման բոլոր մրցաշարերում, խփել 1 գոլ։