Ռուսական բանակն Ուկրաինայի Մելիտոպոլ քաղաք է հասել առանց դիմադրության. ՌԴ ՊՆ

Ռուսաստանի պաշտպանության նախարարությունը հայտնում է, որ ռուս զինվորականներն առանց դիմադրության մուտք են գործել Ուկրաինայի Մելիտոպոլ քաղաք։

Ռուսաստանի պաշտպանության նախարարության տարածած հաղորդագրությունում ասվում է.

«Փետրվարի 25-ի երեկոյան՝ Ազովյան բնակավայրի հատվածում ծովային դեսանտային ուժերի տեղակայումից հետո, ռուսական զորամիավորումները, չհանդիպելով դիմադրության, մուտք են գործել Մելիտոպոլ»։

Նշենք, որ մարտեր են ընթանում Զապորոժիեից 130 կմ հեռավորության վրա գտնվող Մելիտոպոլ քաղաքում, որը նույն մարզում է։ Այդ մարզում, ըստ հրապարակված տվյալների, հայերի թիվը հասնում է 10 000֊ի։