Ուկրաինայի վրայով ոչ թռիչքային գոտու սահմանումը կնշանակի մասնակցություն հակամարտությանը. Պուտին

Ռուսաստանի նախագահ Վլադիմիր Պուտինը հայտարարել է, որ Ռուսաստանը ցանկացած երկրի՝ Ուկրաինայի վրայով ոչ թռիչքային գոտի մտցնելու որոշումը կդիտարկի որպես ռազմական հակամարտության մասնակցություն։

«Հիմա մենք լսում ենք, որ անհրաժեշտ է ոչ թռիչքային գոտի մտցնել Ուկրաինայի տարածքում։ Դա անհնար է անել հենց Ուկրաինայի տարածքում, դա հնարավոր է միայն որոշ հարևան պետությունների տարածքից։ Բայց այս ուղղությամբ ցանկացած շարժում մեր կողմից կդիտարկվի որպես զինված հակամարտությանը մասնակցություն այն երկրի կողմից, որի տարածքից սպառնալիքներ կստեղծվեն մեր զինվորականների համար»,- ասել է Պուտինը։