Դուշան Վլահովիչը՝ «Յուվենտուսի» լավագույն խաղացող

Սերբ հարձակվող Դուշան Վլահովիչը ճանաչվել է «Յուվենտուսի» լավագույն խաղացող փետրվարին տեղի ունեցած հանդիպումների արդյունքում, հաղորդում է թուրինյան ակումբի մամուլի ծառայությունը։

22-ամյա ֆուտբոլիստն անցած ամիս «Յուվենտուսի» հետ մասնակցել է 6 հանդիպման, խփել 4 գոլ։

Վլահովիչը «Յուվենտուս» է տեղափոխվել այս տարվա հունվարին «Ֆիորենտինայից» 70 միլիոն եվրոյի դիմաց։ Իտալիայի առաջնության 28 տուրից հետո «Յուվենտուսը» 53 միավորով չորրորդն է։