«Լիվերպուլը» 1 տարի չէր պարտվել սեփական խաղադաշտում

Անգլիական «Լիվերպուլը» տնային հանդիպումներում չէր պարտվել մեկ տարի։ Չեմպիոնների լիգայի 1/8 եզրափակիչի պատասխան խաղում «Լիվերպուլը» 0։1 հաշվով պարտվել է Իտալիայի չեմպիոն Միլանի «Ինտերին», սակայն դուրս է եկել քառորդ եզրափակիչ առաջին խաղում 2։0 հաշվով տարած հաղթանակի շնորհիվ։

«Լիվերպուլի» անպարտելի տնային շարքը բոլոր մրցաշարերում շարունակվեց 28 հանդիպում (21 հաղթանակ, 7 ոչ ոքի), հաղորդում է Opta-ն։

Գերմանացի Յուրգեն Կլոպի գլխավորած թիմը նախորդ անգամ պարտվել էր 2021թ․ մարտի 7-ին Անգլիայի Պրեմիեր լիգայում «Ֆուլհեմից» (0։1)։