Ուկրաինայում հայտնել են, որ Դնեպրը 3 ավիահարվածի է ենթարկվել (լուսանկարներ, տեսանյութ)

Ուկրաինական Դնեպր քաղաքի Նովոկոդատսկի շրջանին երեք ավիահարված է հասցվել։ Այս մասին մարտի 11-ին հայտնել է Արտակարգ իրավիճակների պետական ծառայությունը,գրում է korrespondent.net-ը։

Նախնական տվյալներով՝ մեկ մարդ մահացել է։ Հարվածների հետևանքների վերացման գործում ներգրավված է 20 մարդ և չորս միավոր տեխնիկա։

Ավելի վաղ տեղի բնակիչները հայտնել էին երեք հզոր պայթյունի մասին։

Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին:

Հեռուստաուղերձում նա ասել էր, որ հանգամանքները «մեզնից պահանջում են վճռական և անհապաղ գործողություններ, Դոնբասի ժողովրդական հանրապետությունները օգնության խնդրանքով դիմել են Ռուսաստանին»:

Ռուսաստանի ղեկավարի խոսքով, արյունահեղության ողջ պատասխանատվությունը կլինի Ուկրաինայում իշխող ռեժիմի խղճի վրա։ Նա ուկրաինացի զինվորականներին կոչ է արել չկատարել ուկրաինական իշխանությունների հանցավոր հրամանները, վայր դնել զենքերն ու գնալ տուն։