ՌԴ ՊՆ-ն հրապարակել է ուղղաթիռների՝ Ուկրաինայի ԶՈՒ զրահատեխնիկային հարվածների տեսանյութը
ՄԻՋԱԶԳԱՅԻՆՌուսաստանի Դաշնության պաշտպանության նախարարությունը հրապարակել է Ուկրաինայի զինված ուժերի զրահամեքենաներին ռուսական մարտական ուղղաթիռների խոցման տեսագրություն։ Այս մասին ասվում է ռազմական գերատեսչության հաղորդագրության մեջ, գրում է ՏԱՍՍ-ը։
Նշվում է, որ «Ռուսաստանի օդատիեզերական ուժերի Կա-52 հարվածային ուղղաթիռները ոչնչացրել են Ուկրաինայի Զինված ուժերի զրահատեխնիկա և մեքենաների շարասյուն, օդային հարվածներ են հասցվել ցածր և չափազանց ցածր բարձրություններից, Ուկրաինայի զինված ուժերի օբյեկտները ոչնչացնելու համար օգտագործվել են կառավարվող և չկառավարվող ավիացիոն հրթիռներ»։
Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին:
Հեռուստաուղերձում նա ասել էր, որ հանգամանքները «մեզնից պահանջում են վճռական և անհապաղ գործողություններ, Դոնբասի ժողովրդական հանրապետությունները օգնության խնդրանքով դիմել են Ռուսաստանին»:
Ռուսաստանի ղեկավարի խոսքով, արյունահեղության ողջ պատասխանատվությունը կլինի Ուկրաինայում իշխող ռեժիմի խղճի վրա։ Նա ուկրաինացի զինվորականներին կոչ է արել չկատարել ուկրաինական իշխանությունների հանցավոր հրամանները, վայր դնել զենքերն ու գնալ տուն։
Ի պատասխան Արևմուտքը սահմանել է նոր հակառուսական պատժամիջոցներ: Մասնավորապես, դրա ներքո են հայտնվել մի քանի խոշորագույն բանկեր, ներառյալ «Սբերբանկ»-ը և ՎՏԲ-ն: Եվրամիությունը, ԱՄՆ-ն, Կանադան և մի շարք այլ երկրներ երկինքը փակել են Ռուսաստանի ինքնաթիռների համար: Մի շարք պետական ընկերությունների համար դժվարացել են օտարերկրյա կապիտալի ներգրավման հնարավորությունները: Պատժամիջոցներ են սահմանվել բարձրտեխնոլոգիական ապրանքներ Ռուսաստան մատակարարելու վրա:
