Գերճշգրիտ զենքի հարվածից շարքից դուրս են եկել Վասիլկովի ռազմական օդանավակայանը և Բրովարիում Ուկրաինայի ԶՈՒ ռադիո-էլեկտրոնային հետախուզության գլխավոր կենտրոնը. ՌԴ ՊՆ

Վասիլկովի ռազմական օդանավակայանը և Բրովարիում Ուկրաինայի զինված ուժերի ռադիո-էլեկտրոնային հետախուզության գլխավոր կենտրոնը հարվածի հետևանքով շարքից դուրս են եկել։ ՏԱՍՍ գործակալության հաղորդմամբ՝ այս մասին շաբաթ օրը լրագրողներին հայտնել է ՌԴ պաշտպանության նախարարության պաշտոնական ներկայացուցիչ, գեներալ-մայոր Իգոր Կոնաշենկովը։

«Մարտի 12-ի առավոտյան հեռահար գերճշգրիտ զենքի հարվածից Վասիլկովի ռազմական օդանավակայանը և Բրովարիում Ուկրաինայի զինված ուժերի ռադիո-էլեկտրոնային հետախուզության գլխավոր կենտրոնը հարվածի հետևանքով շարքից դուրս են եկել», - ասել է Կոնաշենկովը։

«Ընդհանուր առմամբ ՌԴ հատուկ գործողության ընթացքում շարքից հանվել է Ուկրաինայի 3491 ռազմական ենթակառուցվածքային օբյեկտ: Ոչնչացվել է 123 անօդաչու թռչող սարք, 1127 տանկ և այլ զրահատեխնիկա, 115 բազմակի հրթիռային կայանք, 423 ականանետ, 934 միավոր հատուկ ռազմական մեքենա» - ասել է Կոնաշենկովը։