Նոր մանրամասներ՝ Խաբարովսկում հայ գործարարի որդու սպանության մասին

Ի հայտ են եկել նոր մանրամասներ՝ Խաբարովսկի երկրամասում Անդրեյ Մուրադյանի դաժան սպանության դեպքից։ Իրավապահ մարմիների տեղեկատվության համաձայն՝ հանցագործությունը կատարել են Մուրադյանի համադասարանցիները։

Հունվարի 10-ին առևանգիչներից մեկը զանգահարել է Մուրադյանին և խնդրել վերցնել իրեն Խաբարովսկի Երկաթուղային թաղամասից, որտեղից ել նրան առևանգել են: Հանցագործները նրան մի քանի օր պատանդ են պահել՝ նրա ազատման համար պահանջելով 20 միլիոն ռուբլի փրկագին: Ավելի ուշ, վախենալով պատժից, սպանել են նրան՝ խեղդելով պարանով: Այնուհետ հանցագործները դիակը փաթաթել են պոլիէթիլենով, դուրս բերել երկաթուղային կայարան, բենզին լցրել և այրել:

Հիշեցնենք, որ հայ գործարարի ընտանիքում արդեն դժբախտոթյուն պատահել էր․ մի քանի տարի առաջ հոսանքի հարվածից մահացել էր Մուրադյանների ավագ որդին՝ Ալեքսանդրը։