Իրանը միայն օղակներից մեկն է. ի՞նչ շղթայական ռեակցիա է գործարկել ԱՄՆ-ը
ՔԱՂԱՔԱԿԱՆՈՒԹՅՈՒՆ
tsargrad.tv-ն գրում է, որ Հյուսիսային Իրաքի Էրբիլ քաղաքի ուղղությամբ հրթիռներ արձակվել են Իրանի տարածքից։ Այդ թվում հրթիռներ են ընկել նաև ԱՄՆ-ի հյուպատոսության տարածքում։ Բայց արդյո՞ք թիրախը դիվանագետներն են եղել։ Փորձագետի հետ փորձենք հասկանալ, թե ինչ է տեղի ունեցել։
Քաղաքագետ, արևելագետ Կարինե Գևորգյանը «tsargrad.tv»-ին տված հարցազրույցում նշել է, որ տեղի ունեցածը համաշխարհային աշխարհաքաղաքական ասպարեզում տեղի ունեցած իրադարձություններից միայն մեկն է, որը պետք է հաշվի առնել ԱՄՆ-ի դիրքերի կորստի և Ռուսաստանի Ուկրաինայում հատուկ գործողության մեկնարկի լույսի ներքո։ Նույնիսկ եթե դրանք նույն շղթայի օղակները չեն, կուտակային էֆեկտը լիովին ակնհայտ է։ Սրան ավելացնենք նաև թուրքական անօդաչու թռչող սարքերի թռիչքները սահմանին՝ Ղրղզստանից թռչում են Տաջիկստան, բախումներ են լինում։ Իսկ Գյանջայից զրահամեքենաներն այժմ շարժվում են դեպի Հայաստանի սահման։ «Ուրեմն ամեն ինչ սկսվել է, աշխարհը լի է շարժով»,- ասել է մեր զրուցակիցը՝ հավելելով. «Փաստն այն է, որ, իմ դիտարկումներով, իրանցիներին շատ են նյարդայնացրել Իրաքյան Քրդստանի տարածքում գտնվող թուրքական բազաները։ Ինչպես նաև Իսրայելի ներկայությունը»։
Կարինե Գևորգյանը հավելել է, որ սա, ի դեպ, առաջին նման հարվածը չէ. «Համեմատաբար վերջերս, իմ կարծիքով, մոտ երեք ամիս առաջ, միգուցե չորս, հենց իրանցիները կամ իրանամետ ուժերը հարձակվեցին Իրաքյան Քրդստանում գտնվող թուրքական բազայի վրա։ Այսինքն՝ շարունակում են հարվածել հյուսիսում։ բացի դա, այդ օրը հարվածելու ժամանակը խորհրդանշական է. նախ հարձակումը տեղի է ունեցել ԱՄՆ-ի կողմից սպանված իրանցի գեներալ Ղասեմ Սոլեյմանիի ծննդյան օրվա հաջորդ օրը։ Ավելին, հարվածը հասցվել է գիշերը ժամը 01:20-ին, որը համընկնում է 2020 թվականի հունվարին ամերիկյան անօդաչու թռչող սարքի հարվածելու ժամանակին Իսլամական գվարդիայի կորպուսի այս առաջնորդի վրա»:
Նյութը հրապարակման պատրաստեց Կամո Խաչիկյանը
