Նար Դոսի փողոցում, «Իդեալ» խանութի մոտ Mercedes-ը բախվել է խանութի պատին. կան վիրավորներ (ֆոտո)

Հայաստանի ԱԻՆ-ում, հունվարի 18-ին, ժամը 22.53-ին ահազանգ է ստացվել, որ Երեւան քաղաքի Նար-Դոսի փողոցում՝ «Իդեալ» խանութի մոտակայքում, տեղի է ունեցել ավտովթար, կա տուժած. անհարժեշտ է փրկարարների օգնությունը։

Դեպքի վայր է մեկնել մեկ մարտական հաշվարկ:

Պարզվել է, որ «Mercedes E class» մակնիշի 34 FL 770 համարանիշի ավտոմեքենան (վարորդ 30-ամյա Պատվական Հ.) դուրս է եկել ավտոճանապարհի երթեւեկելի հատվածից եւ բախվել Ռոստոմի փողոցի թիվ 22 հասցեում գտնվող չշահագործվող խանութի պատին. վառելիքի արտահոսք չկա, ավտոմեքենան հոսանքազրկվել է տեղի ուժերով:

Փրկարարները վարորդ Պատվական Հ.-ին եւ ուղեւոր Հ. Ս.-ին մոտեցրել են շտապօգնության ավտոմեքենային:

Տուժածները հոսպիտալացվել են «Էրեբունի» ԲԿ: