Դեպի Կրասնոդար, Դոնի Ռոստով և այլ ուղղություններով թռիչքների արգելքը երկարաձգվել է մինչև ապրիլի 1-ը
ՄԻՋԱԶԳԱՅԻՆ
Օդային տրանսպորտի դաշնային գործակալությունը մինչև ապրիլի 1-ը երկարաձգում է թռիչքների արգելքը Ռուսաստանի Դաշնության հարավային և կենտրոնական մի շարք օդանավակայաններում, ասվում է գործակալության հաղորդագրության մեջ։
Թռիչքները ժամանակավորապես սահմանափակվել են Անապայի, Բելգորոդի, Բրյանսկի, Վորոնեժի, Գելենջիկի, Կրասնոդարի, Կուրսկի, Լիպեցկի, Դոնի Ռոստովի, Սիմֆերոպոլի և Էլիստայի օդանավակայաններում, գրում է ՏԱՍՍ-ը։
Ուղևորներին տեղափոխելու համար ռուսական ավիաընկերություններին առաջարկվում է այլընտրանքային երթուղիներ օգտագործել Սոչիի, Վոլգոգրադի, Միներալնիե Վոդիի, Ստավրոպոլի և Մոսկվայի օդանավակայաններով:
Փետրվարի 24-ից Ռուսաստանը փակել է երկրի հարավում գտնվող իր օդային տարածքի մի մասը քաղաքացիական ինքնաթիռների համար՝ Ուկրաինայում հատուկ ռազմական գործողության ֆոնին:
