«ՈՒԱԶ» -ն ընկել է գետը. վարորդը տեղափոխվել է հիվանդանոց
ՊԱՏՄՈՒԹՅԱՆ ԱՅՍ ՕՐԸ
Իջեւան-Ճամբարակ ավտոճանապարհին այսօր` հունվարի 20-ին, ավտոմեքենան դուրս է եկել երթեւեկելի գոտուց եւ ընկել գետը, ինչի հետեւանքով վարորդը մարմնական վնասվածքներով տեղափոխվել է հիվանդանոց:
Ինչպես հայտնում են ԱԻՆ մամուլի ծառայությունից, պարզվել է, որ Իջեւան-Ճամբարակ հատվածի 21-րդ կմ-ին «ՈւԱԶ» մակնիշի ավտոմեքենան դուրս է եկել ավտոճանապարհի երթեւեկելի հատվածից եւ շրջվել Գետիկ գետը:
Մինչ փրկարարների՝ կանչի վայր հասնելը վարորդը տեղի ուժերով դուրս է բերվել ավտոմեքենայից եւ տեղափոխվել Իջեւանի ԲԿ, որտեղ բժիշկները տուժածի առողջական վիճակը գնահատել են բավարար:
