«Մանչեսթեր Յունայթեդը» երկարաձգեց պայմանագիրը Բրունու Ֆերնանդեշի հետ

Անգլիական «Մանչեսթեր Յունայթեդը» երկարաձգեց պայմանագիրը Պորտուգալիայի հավաքականի կիսապաշտպան Բրունու Ֆերնանդեշի հետ։ 27-ամյա ֆուտբոլիստի նոր պայմանագիրը նախատեսված է մինչեւ 2026թ․ հունիս, հաղորդում է ակումբի մամուլի ծառայությունը։

Ոչ պաշտոնական տվյալներով, Ֆերնանդեշի տարեկան աշխատավարձը կկազմի 15 միլիոն եվրո։

Ֆերնանդեշը 2020 թվականին է պորտուգալական «Սպորտինգից» տեղափոխվել մանչեսթերյան ակումբ 63 միլիոն եվրոյի դիմաց։ Գործող պայմանագիրը նախատեսված է մինչեւ 2025թ․ հունիս։

Transfermarkt-ը Ֆերնանդեշի տրանսֆերային արժեքը գնահատում է 90 միլիոն եվրո։

Անգլիայի ընթացիկ առաջնությունում նա մասնակցել է 27 հանդիպման, խփել 9 գոլ, կատարել 6 գոլային փոխանցում։